講起陳豪，除咗諗起陳茵薇同咖啡，仲有佢之前喺電視劇《帝女花》入面，做明朝崇禎皇帝時講咗句「同朕check吓」嘅笑話。存款保障委員會竟然抽佢水，用佢呢句賣新廣告，為沉悶題材增添趣味。
存保委員會最近又推出「包包包」廣告，最新有一款專講人民幣包唔包，就用咗陳豪講「同朕check吓」呢條橋。
唔講唔知，原來少過5年嘅定期存款，所有外幣都包，保障上限係50萬港紙。大家拎錢去做較高息嘅人仔定存前，就要搞清楚。
呢批新廣告共6款，上周三開始喺九龍塘港鐵站擺燈箱廣告，計劃擺3星期。今年初有調查話，有近八成人清楚存款保障內容，呢批盞鬼廣告出街後，比例應會進一步上升了。
【動主播召喚 敢你就來】
立即報名： http://anchor.nextmedia.com