現年50歲的司馬燕，去年底患上胃癌，最後要整個胃部切走展開無「胃」人生，抗癌間丈夫吳忠義（Togi Gouw）和一對兒子Ian及Brian一直支持，9個月內接受8次化療成功擊退癌魔。患病時，Togi答應司馬燕送上在荷蘭古堡再圓婚禮夢，香港時間前晚9時多，增磅的司馬燕就換上喱士婚紗步入教堂。
司馬燕的婚禮選址在荷蘭古堡Kasteel de Haar內小教堂舉行，謝天華夫婦、周美鳳、王玉環、戴妮廷和羅明珠等一同見證。新娘子穿上用一百碼喱士度身訂做的拖尾婚紗，由即將14歲的幼子Brian陪同進場。
聽誓辭哭成淚人
Togi讀出誓辭，大講如何激勵老婆抗癌經歷，再加首冧歌，司馬燕喊到如開水喉用紙巾抹淚。禮成眾人步出教堂，Togi興奮得啜爆老婆。接着眾人在古堡內晚宴，司馬燕換上黑配桃紅的晚裝，新人和賓客非常熱鬧，及至香港時間昨日凌晨1時才散場上旅遊車離開，司馬燕才想起忘了拋花球，結果在車廂進行，由羅明珠接得。
Togi豪花七位數字搞婚禮兼賀結婚17周年，司馬燕香港時間昨早7時多接受長途電話訪問：「Party啱啱完咗返屋企，攰到冇晒力，我由今朝5點起身整早餐畀阿仔食，再準備變身直踩到𠵱家，聽朝早一家人上郵輪度蜜月。」
友人爆料司馬燕在婚禮中喊足全程，她直認不諱：「係呀，由入教堂聽到音樂，到細仔Brian做花仔陪我步入，我就感動到唔停喊，觀禮親友又感動，個個變晒『喊包』。」尤其老公Togi一段催淚誓言，令司馬燕哭個不停，她說：「佢承諾更加愛錫我，真係好似再嫁一次畀佢咁。」長子Ian給雙親送上感人情詩，幼子Brian則負責拍攝花絮，司馬燕說：「佢哋好稱職，婚禮好圓滿。」
採訪：比華利
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24