新界潮人總會噚日舉行「司長˙潮人真情對話」，請財政司司長曾俊華閂埋門交流吓。香港唔少政客都係潮州人，好似立法會議員林大輝同葛珮帆、旅發局主席林建岳都係「家己冷」，噚日都好畀面去聽財爺演講。
八方同行家們事後問番岳少，餐飯有乜特別，當然係想問財爺有乜真知灼見啦，點知岳少覺得最「特別」係：「今日我以為食潮州嘢，點知食廣東嘢。」
唔知大會係咪以為潮人經常食潮菜，所以專登轉吓口味呢？林大輝就話，因為財爺唔係潮州人，所以都係食番廣東菜。
岳少仲話，遲啲都諗住做份詳細報告畀財爺講吓嚟緊呢年旅遊業有乜搞作。
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24