唔少大孖沙開始培育仔女接棒，聽聞利福（1212）董事總經理劉鑾鴻（細劉）愛女大學畢業，亦開始喺利福返工，華華噚日趁機問吓細劉，愛女做成點？點知佢即刻晒手擰頭，話冇打算叫仔女入公司。
緊張重複澄清
咁唔通阿女返工係流料？細劉先恍然大悟咁話「哦，你講呢樣，佢入嚟學吓嘢，internship嚟㗎咋。」唔知佢為乜咁緊張，重複講3、4次internship，仲要明明走咗入防煙門，佢都喺門外高呼「internship咋」。
其實細劉緊張都有道理，細劉雖然係利福大股東兼經營者，但公司另一主要股東仍然係新世界發展（017）創辦人鄭裕彤間周大福企業。佢哋近年又多股權變動，如果令人誤會細劉搵愛女入去準備接捧，產生誤會就無謂啦！
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24