薛凱琪（Fiona）有傳跟林二汶合作拉闊音樂會後撻着。昨日Fiona接受本報電話訪問說：「戥佢有少少可憐，郁得嘅生物喺我身邊都惹緋聞。」Fiona亦否認曾上二汶家過夜，拉闊後亦沒單獨相處。
二汶亦透過電話否認撰文向Fiona示愛，她說：「我同佢冇路，我冇咁深情寫嘢畀佢。」前晚二汶在社交網擺了跟盧凱彤（Ellen）十指緊扣的照片，並留言Ellen才是真愛。二汶笑說：「雖然有人懷疑我哋分手拆夥，但我哋冇一齊過。」問到性取向？二汶說：「睇我鍾意邊個，總之唔係薛凱琪同盧凱彤。」Ellen昨日到柴灣錄影時說：「我已經恭喜佢事業再創高峰，因為上雜誌封面唔易！」至於十指緊扣相，Ellen笑說：「噚晚我哋喺二汶父母屋企拖住手睇電視，因為我哋太耐冇見。」
採訪、攝影：譚倩宜
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24