前特首辦主任梁卓偉（Gabriel）係音樂天才，一直擔任香港兒童交響樂團榮譽客席指揮，喺青少音樂培育上不遺餘力。雖然佢後日（8月1日）就履新成為史上最年輕嘅香港大學醫學院院長，但因為要帶香港兒童交響樂團去意大利同法國巡迴表演，所以趕唔切返香港。睇到佢指揮時候嘅相，真係chok到無朋友。
梁卓偉4歲已經學琴，喺加拿大讀醫科時攞埋音樂碩士，經常周遊列國表演。今次意大利及法國巡迴表演共五站，睇到佢喺意大利拉戈堡市指揮時全神貫注，如癡如醉。佢仲有時間同班樂團小朋友去羅馬鬥獸場遊覽，呢個trip一定好開心。
【動主播召喚敢你就來】
立即報名： http://anchor.nextmedia.com