回歸以來庸官當道，政治漫畫家信手拈來都係創作好材料，嬉笑怒罵，讀者睇到噴飯，官員睇到嘔血。一班本地漫畫家同藝術家近期成立咗「漫畫刁民」，成員有尊子、Cuson、馬龍、阿平、張萬有等等，用漫畫針砭時人時事或膠人膠事，透過創作表達對普選嘅睇法。
漫畫刁民喺8月8號至月底，分別喺中環PubArt Gallery同油麻地活化廳舉行兩場以普選為主題嘅「漫人迷普選」展覽，𠵱家一講普選，都會提到佔中，所以呢個展覽開幕就請嚟佔中三子做嘉賓。普選係眾人之事，展覽亦接受公眾參與，8月1號（本周四）前，可以親身將原圖交去活化廳；如果用電郵交圖，截止日期係8月8號（下周四）。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange