【本報訊】內地樓價近年長升長有，已多次逼使中央出手，為熾熱樓市大潑冷水。而作為新世界中國（917）於內地版圖中第四大城市的武漢，其地區總監黃兆民卻對中央調控「視之無物」，「因為你要睇政策嘅話，太短喇！今日同聽日講嘢可以唔同。」
無損武漢起樓步伐
內地政府推出限購、限貸，至近期的新「國五條」政策，新世界中國武漢地區總監黃兆民認為，對武漢樓市影響極微，主要由於當地樓市一直由用家支撐，令樓價未現「大泡沫」，「8,000蚊均價你仲想跌成點？」他又指，中央的調控絕不影響集團於武漢的發展步伐，未來更會「加碼」投資，「唔存在一種政府政策問題，因為你要睇政策嘅話，太短喇！今日同聽日講嘢可以唔同。咁邊個係神仙呀？可以估到果句嘢最後係真嘅！」
對於內地各大城市的「地王」近月接連誕生，內房發展商均勇者無懼，頻頻四出高價「搶地」，黃兆民卻「耍手擰頭」，認為就算高價投得「靚地」，亦難以「有錢賺」。他指出，「地王要賺，係要時間同機遇，比較困難。喺武漢我哋都唔會target一啲地王嘅地，我不如拆開兩個項目做，買兩塊合理價嘅地。」
黃兆民又透露，武漢區於上一財政年度的賣樓成績不俗，「今年4月，已經提早完成咗去年全年目標。」而在新一財年，預料目標至少會維持上一財年的銷售總額。
【動主播召喚 敢你就來】
立即報名： http://anchor.nextmedia.com