今屆文憑試狀元當中，曾芷君嘅故事最動人。佢睇唔到、聽唔清楚，又摸唔到盲人點字，單靠嘴自創嘅「唇讀」點字法，都讀出三優二良嘅佳績；明明攞正牌可以豁免聆聽考試，佢又堅持去考埋佢。唔少人知道咗之後，除咗大為驚訝，亦被深深感動，就連黎智英都唔例外。
肥佬黎親手寫咗張卡畀芷君，鼓勵佢話：「你的成就啟發了我們，我為你而驕傲。加油！」之後英華女學校副校長，幫手轉交呢張卡畀芷君，又讀畀佢聽。芷君聽到之後，話好多謝黎智英嘅心意。
大學聯招下個月就有結果喇，芷君最想讀嘅中大繙譯系，八方都祝佢心想事成，展開精采嘅大學生活，繼續發光發熱。
【動主播召喚敢你就來】
立即報名： http://anchor.nextmedia.com