因為總理李克強一句「保七」，上周二港股單日升逾500點，恒指更一舉升穿俗稱牛熊線的250日線，淡友紛紛「冚旗」，惟其後無以為繼，股市繼續牛皮，「七翻身」宣告失靈。因基本因素未變，密西比繼續維持悲觀看法，認為情況尚未去到最壞。
6月底時，曾經寫過「睇波好過博反彈」，皆因雖估計7月時，港股應該會有一個似樣反彈；但到8月業績期，由於「生意唔得」，很大可能出現一個大規模「downgrade」潮，故建議投資者可忍忍手，待股價下跌後才趁低吸納。
上周港股反彈後，與多名基金經理討論過，基本看法與6月時差不多，唯一不同的是，按最新數據及中央近期言論看，情況有可能跟早前估計的來得更差，特別是依賴本土需求的輕工業，近幾個月生意「非常唔得」，很多非上市企業更瀕臨倒閉邊緣。有人形容，情況比08年金融海嘯時還要嚴峻。
「執平貨」計劃怎樣？以目前看，大家到8月時，不宜太心急，業績公佈後再等一等，說不定會再便宜些呢！
密西比
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24