【人物專訪】
今個月初，經營42年的景福證券黯然結業，本地華資行的哀歌再次奏起。經歷過香港證券業最光輝日子的南華集團（265），其執行董事張賽娥直言，當年港英政府基於政治考慮，將業界的大門向外資行大開，加上多年來主事人為業界推出的都是「為做而做」、「無樣好嘢」的措施，本地華資行注定無運行。
97前加速外資行進駐
新一代加入證券業的年輕人，可能無法想像股票經紀一個月的佣金曾經可以達數十萬元，但人稱娥姐的張賽娥就經歷過這個「魚翅撈飯」的年代，當時她效力的新鴻基證券是本地第一華資大行，除了城中富豪，不少外資大行都是幫襯新證買賣股票，「80年代初，經新鴻基（證券）嘅成交可以佔大市25%。」娥姐道出當時的本地華資行火紅的一面。
1984年中英聯合聲明確定香港要回歸中國，在娥姐眼中，本地的華資行亦從此走上不歸路，「係政治原因，因為九七，港英政府希望越多國際大行參與（金融市場）越安全，起碼佢嘅諗法會係咁。」因此香港早已全面開放金融市場，大量外資行進駐，華資行競爭越來越大，「等於喺台上，一個輕量級，一個重量級，你話係好公平競爭，咁係咪公平呢？」如果遊戲規則一樣，「輕量級嗰個好快會俾人打低。」
轟新政策為做而做
若說港英政府為證券業製造了「傷口」，那麼特區政府就是接力在這個「傷口」上灑鹽，多年來推出不少政策都惹來業界批評，娥姐表示，「發展係硬道理，點都要做，但係咪每一項新措施都對業界有利呢？……有啲係為做而做！」她以年內推出的夜期為例，覺得根本不符合經濟原則。記者硬要娥姐數算政府或監管機構有否推出一些有利業界發展的措施，她認真思索了10秒鐘，「我暫時諗唔到有咩政策佢一推出嚟，業界好happy、話係好嘢。」
看到一些認識的同行，甚至前輩的證券行結業，娥姐只有無奈與心噏，她相信越來越多華資細行選擇結業收場，避不開浪淘沙的必然結局。
記者：石永樂
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24