三隊英超球隊剛踢完，又到紅魔鬥傑志！咁啱中文版《創造球會BARCODE FOOTBALLER》快將登場，除有傳神粵語介面同豐富育成元素外，最特別係可用Barcode「嘟」出三兆款不同球員，強！
記者：韓繼聰 攝影：黃子偉 模特兒：Icy、Vanessa
三兆款球員
育成足球遊戲一直為不少球迷追捧，擔任領隊玩戰術、玩培訓，跟FIFA、Winning比又是另一番趣味。《創造球會BARCODE FOOTBALLER》則在育成球隊之上，加入了Barcode的元素，只要利用鏡頭「嘟」環繞我們身邊的一切條碼，都可以生成球員，造型高達三兆款咁多！更有趣的是如果你是該條碼的首位讀取者，便可為該球員命名，日後如有其他玩家「嘟」同一條碼，球員名都要跟你，冇得改！玩家大可努力搵各種條碼，發掘及命名新球員；據官方透露，遊戲將來更會同不同品牌產品作聯乘，「嘟」出造型更特別的球員，唔知遲啲「嘟」蘋果日報會唔會有蘋果頭球員？另外，你亦可以用隨機扭蛋形式，又或是同其他球會交易，獲得知名的稀有球員，朗尼、傑斯都隨時俾你收歸旗下。
強玩育成 街隊打出世界
「嘟」球員係有趣，但玩戰術、育成才是精髓。遊戲中有極豐富的戰術選擇，不同配置配搭都會有不同效果。而身為領隊的你更可透過「集體訓練」，增強部份球員的實力，及學會新的陣式，以應付不同對手。你亦可用「個人訓練」，以完成各款小遊戲，對特定球員進行強化，球員訓練或比賽後都會成長，甚至學到各種必殺技能，扭轉戰局！比賽方面，你要從街道聯賽出發，跟各人挑機，逐級挑戰，慢慢進軍地區，甚至世界，過程極具挑戰性。比賽過程更會以不俗的3D動畫，以及傳神的粵語文字作旁述，相當過癮。
《創造球會BARCODE FOOTBALLER》
iOS / Android、即將推出、免費
球衣提供：允記集團
足球寶貝撐玩
以為兩位靚女同普通Model得個樣你便錯了，其實佢哋之前都係和富大埔的足球寶貝，場場幫手打氣之餘，自己亦是球迷。當中Icy最愛恩尼斯達，Vanessa則情迷「王子」托利斯，今次搵佢哋試玩，Icy大讚遊戲戰術夠多，感覺好Pro、好多變化！
Vanessa就鍾意比賽畫面靚，仲話如果有埋發聲講波就更正。不過兩個始終係女仔，玩得最興奮的都係「嘟」Barcode，不停搵騎呢嘢試「嘟」，書、杏仁餅、零食無一倖免，佢哋更話：「『嘟』Barbie都唔係出個Barbie球員畀我嘅！」小姐，唔通「嘟」變形金剛又畀隻變形金剛你咩？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
【動主播召喚 敢你就來】
立即報名： http://anchor.nextmedia.com
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24