80後90後投訴𠵱家難上位，但以前人材輩出，情況更嚴重。南華集團（265）執董張賽娥（娥姐）話當年，指佢當年喺新鴻基證券做得唔錯，就算有外資行出高兩倍人工搵佢過檔，佢都唔肯，最終選擇外闖創業，就係因為上層猛人如雲，難望上位之故。
究竟當年娥姐俾邊啲猛人騎住呢？劉壬泉、葉黎成、周文耀、蘇澤光是也，果然粒粒皆星。港交所（388）前CEO周文耀、港鐵（066）前主席兼CEO蘇澤光當然好多人識，劉壬泉同葉黎成嘅來頭亦好勁。
據聞，劉壬泉數口極精，喺新鴻基時已操財政大權，有「馮景禧契仔」呢個外號。後來新鴻基分家，佢就跟咗李兆基去做恒基地產（012），1987年開始做執董至今，𠵱家都66歲。
葉黎成亦係新鴻基證券創辦人馮景禧得力助手之一，喺證券界打滾逾40年，曾任DBS唯高達證券話事人，2002年過檔平安證券任高層。
上層猛人如此，娥姐當年擇選離開應該正常不過！
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24