三千人上街要求囤地波局長落台，遊行隊伍出發的起點銅鑼灣東角道，噚日除咗有多個反對團體街站呼籲市民加入，仲多咗部廉政公署宣傳車泊喺現場，車身大大隻字寫住「堅守核心價值，維護廉潔香港」字樣，在場人士一睇就覺得好似諷刺緊囤地波局長，曲線撐民陣遊行喎。
廉署就緊係唔會話畀大家知，擺架宣傳車喺度的真正用意啦，但又難怪市民會咁諗，事關三千人上街怒吼，囤地波仲可以若無其事賴死唔走，而且連一句回應遊行的聲明都唔發，可謂厚顏無恥到極點。市民除咗憤怒，難免會懷疑，究竟香港人一直引以為傲的廉潔、公平等核心價值，仲存唔存在呢？
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24