愛書之人唔好因為書展閉幕而落寞，事關位於柴灣嘅青年廣場密鑼緊鼓搞緊「漂書節2013」。原來青年廣場6月開始喺各區指定地點放咗「漂書箱」畀大家捐書；至8月17同18號就會喺廣場平台正式「漂書」：入場人士只要帶本舊書，就可以喺場內任睇其他人捐贈嘅書、以及攞一本返屋企慢慢嘆，想鼓勵大家以環保方式培養閱讀習慣。今年已經係青年廣場第三度舉行漂書節，特別之處係加入唔少新活動，包括作家分享會同中外語電影欣賞等。執導《低俗喜劇》嘅彭浩翔原來都好支持漂書，應承咗8月2日（星期五）任演講嘉賓。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange