英超勁旅熱刺球員來港參加「巴克萊亞洲錦標賽」，結果熱刺前晚以6比0大勝南華取得季軍。賽後一眾職、球員齊齊出動，到中環遮打大廈的Armani Club包了大半個場狂歡，有不少着低胸裝、T-back的性感女郎出現，球員在場內都放鬆地跟女伴跳舞、玩遊戲甚至劈酒，玩到昨晨2時才陸續離開。
有球星意猶未盡，例如門將靴里奴高美斯在凌晨3時才離開，與另一隊友及兩女伴乘的士轉場到dragon-i繼續蒲，直玩到凌晨4時半，與場內新識的朋友步出門外，並向兩女伴擁抱道別。不過，原來還有下場，一行數人再轉戰Volar，又碰到隊友一齊玩，高大的高美斯與一金色長髮美女邂逅，高美斯即咬住唔放全程人mark人，二人跳舞時又攬到實！辛度雲尼亞里則扮鬼臉，與女伴合照。玩到早上7時，高美斯拖着美女一齊離開，其他隊友則食白果，高美斯與美女上的士返酒店時，隊友艾朗連儂向他豎拇指又打眼色讚叻。
另一邊廂，隨另一支球隊新特蘭來港的球星布朗，昨晨3時與隊友奧沙亦去了dragon-i買醉，布朗走在街上時一度站不穩，幸有隊友奧沙照顧扶住，其後繼續往Volar作樂。
採訪、攝影：楊浩賢、陳辰、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！