冤冤相報何時了？點解書展都過咗啦，仲未了嘅？
講緊嘅，又係一班𡃁模，學足當年周秀娜寸嘴出位，但道行未夠，冇point，齋互鬧互寸，好似噚日有AD2寸FFx樣衰唔夠靚，Phoebe許穎師妹梁晶晶又寸師姐下海拍AV，仲有32歲榕姨……黃榕鬧爆漏M女孫旗(Keiko)、指對方借同Steven(張致恆)及漏M出位離晒譜 ：「我覺得漏M更可恥！漏到好似失禁咁，係Show畀人睇。下次見到佢，我會送乳貼同M巾畀佢。」
榕姨真係忙，早前書展，就要送乳貼俾AD2，仲要拎埋自己本寫真、上埋行人天橋人家個主場送禮，依家又話送M巾……賣寫真賺賺埋埋都唔夠補貼喎。
漏M女唔止一次被抽水，咁佢又抽人水，打和。榕姨噚日寸完佢，漏M女自然要反擊，內容如下:
「你咪又係講緊我，抽我水炒新聞係咪自己唔夠知名度出宣傳活動，所以要講我呢？呀榕姨，小妹啲貼身嘢我仲有錢買，真係唔明你仲好意思話我可恥，你三十幾歲人仲出出出出.....寫真出極都有咪仲可恥！下次你再想用我個名宣傳，不如直接聯絡我啦，我唔介意你做我配角！呀『永遠榮譽女友』!」
睇嚟漏M女可能係本報fans，「榕姨」、「永遠榮譽女友」呢啲黃榕專用詞都琅琅上口……抽水先 !
【動主播召喚 敢你就來】
立即報名： http://anchor.nextmedia.com