中金再生（773）CFO馮嘉倫上錯岸了。近日最爆嘅新聞肯定係證監會入稟申請將中金再生清盤，公司CFO馮嘉倫，原本係瑞銀賓架，幫公司上完市，入埋公司做CFO，點知上錯船！
馮嘉倫曾做瑞銀賓架
今時今日，做投行賓架未必真係咁筍，隨時被辭職不在講，市場競爭激烈，內地公司老闆又知道自己嘅議價能力越來越高，賓架都好受氣㗎，所以好多賓架都希望能跳入上市公司做高層。
馮嘉倫加入中金再生前，喺瑞銀做賓架，有份湊住間公司，幫公司喺2009年中上市，老闆賞識佢邀請佢過檔做CFO。翻查中金再生2011年年報，馮嘉倫年薪938萬元，包括股份同現金，當中現金部份共有600萬元，算係咁啦，話晒上市公司掌櫃，工作相對投行穩定。
不過公司𠵱家被證監會申請清盤，馮嘉倫可能失業唔在講，身為CFO亦責無旁貸。
【動主播召喚 敢你就來】
立即報名： http://anchor.nextmedia.com