最近男子短跑界飽受禁藥風波，好彩仲有保特！呢名牙買加男子百米世界紀錄保持者，喺上周五嘅黃金田徑聯賽倫敦站兼倫奧紀念運動會嘅男子100米中，跑出自己今年最快嘅9秒85奪標，力壓美國嘅羅渣士同埋牙買加嘅卡達。保特賽後仲讚自己跑得咁快，全賴現場觀眾打氣：「觀眾實在太正嘞！佢哋落力咁支持我，我雖然起步麻麻，但之後就越跑越順。」不過，喺女子3,000米賽事，就出現咗有驚無險嘅事。因為肯雅嘅卓泰以第11名過終點之後，就突然暈低，救護人員即刻衝入場為佢急救；好彩，據報喺送到醫院後，21歲嘅卓泰已經恢復知覺。
【動主播召喚 敢你就來】
立即報名： http://anchor.nextmedia.com