近年唔少球星都去強國踢波，好似係孔卡、簡路迪，同埋經已走咗嘅杜奧巴及安歷卡等，最新一個登陸中超嘅，就係巴西前鋒路夫（Vagner Love）。但佢未幫山東魯能比賽，就經已俾國內傳媒起底，直指佢愛搞性愛派對，仲幫佢改個叫「愛神」嘅花名㖭。
現年29歲嘅路夫雖然唔算係一線嘅巴西球星，但因為喺俄超踢得好，幫莫斯科中央陸軍（CSKA）贏過3次聯賽冠軍，加上喺歐聯同埋歐霸盃都表現得唔錯，所以喺歐洲球壇有啲名氣；而喺上個禮拜三，佢就落實由CSKA以1,200萬歐元（約1.24億港元）過檔中超球會山東魯能，聽講佢簽咗約一份兩年半嘅合約，年薪高達500萬歐元。
曾做四仔男主角
路夫外型獨特，辮子頭更加係佢嘅標記；一睇佢個樣同造型，就知佢爛蒲爛玩。國內傳媒係佢加盟魯能後，即時幫佢起底，話佢之前喺俄羅斯同巴西踢波時，成日喺私人會所同埋自己間屋搞性愛派對，而且好似葉問咁，鍾意1個打10個；咁都未算，佢仲癲到同巴西四仔女主角帕梅拉布特搞嘢嘅時候，自己做埋男主角拍四仔影帶。
路夫喺俄羅斯踢波時，成日讚啲俄妹又靚又性感，所以喺俄羅斯踢波踢得好開心。不過，係人都知強國嘅囡囡都索到冇朋友；若然魯能唔想佢玩到腳仔軟而影響咗喺場內嘅表現，同埋俾國內傳媒影到佢啲衰嘢，真係要24小時睇緊啲佢先得嘞！
杜汶澤、彭浩翔初會蔡瀾、黎智英！仲未睇？
第三集《亂噏24》足本放送中，即上：
http://bit.ly/appletalk24