漏M凸點𡃁模孫旗無啦啦爆N年前同張致恆（Steven）性史，借舊聞博宣傳，惹嚟一陣迴響。不過講到性史，比起當年李麗珍、馬桂燦（Jacky Ma）同李靜婷（Janet）嗰段不尋常關係，簡直小巫見大巫！
話說喺04年，著名髮型師Jacky Ma個老婆Janet突然爆料，聲稱佢同老公、珍妹一齊過住大被同眠嘅同居生活，又話成日開迷幻狂歡派對，夜夜笙歌。珍妹係一代性感女神，自然轟動全城，之後Janet變本加厲，寫書《珍人真事》大爆三人荒淫性生活，仲話老公曾經幫人剪恥毛㖭。珍妹當日聲言會法律追究，點知Janet仲未肯收手，仲趁珍妹去台灣出席金馬獎，親自飛去台灣將本書塞畀珍妹，嚇到珍妹三魂唔見七魄。嗰次之後，珍妹形象大受影響，好彩身邊有潘源良對佢不離不棄，先至可以企番起身，而今日嘅珍妹，工作重返軌道，重現昔日歡顏。
撰文：阿Wow
【動主播召喚敢你就來】
立即報名： http://anchor.nextmedia.com