近日藝人頻生意外，娜姐於日本受傷，曹永廉則於本港炒車！阿廉近日拍攝無綫新劇《守業者》時，曾因太攰關係，連浸在水中都瞓着。昨日凌晨2時許，阿廉將數張撞車相上載微博，並留言：「到我比（俾）人撞。」相中黑色七人車被紅色的士撞到車尾，而另一輛綠色的士車尾則被撞至凹陷，令人懷疑阿廉是否因為不夠瞓而發生交通意外。
阿廉昨日接受電話訪問時表示，昨日凌晨1時許，他駕車返家時遭的士撞到，但絕非因為不夠瞓而導致意外：「我停喺紅綠燈度，架紅的撞咗架綠的，跟住架紅的就隊咗埋我架車度，我架車泵把同門花咗少少！兩架的士當時都載滿人，佢哋都冇乜事。」阿廉打算自掏荷包整車，當破財擋災。
採訪：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！