蘋果主播召喚!噚日宋文BB同吉吉BB兩大型男去到灣仔動漫節召喚型男索女主播，反應熱烈，仲有「綠魔」Karl、King趙勁皓同少女組合SKG(Sparking Girls)幫手招募。先嚟Karl，雖然佢曝光率勁高，但殺入動漫節，依然萬人仰慕，男男女女爭合照。可惜Karl打扮好低調，欠咗啲驚喜。另一驚喜係Karl可以同熱爆台灣嘅《台蘋》動新聞「台柱」旁白哥越洋chit chat，嘩，幾時可以見到旁白哥真人呢？
Karl噚日幫手考驗一下參賽者應對能力，而且詞鋒同佢做《求愛大作戰》顧問一樣咁mean，幸而參賽者都能淡定回應，成功過關。即使Karl質問佢:「點解冇做資料搜集0架!」、「搞錯呀，《求愛大作戰》都唔睇？」、「點可以冇英文名0架，冇嘅話點走進國際呀？」擺明考未來主播嘅EQ啦。
至於King，佢都有接受參賽者訪問，chit chat一番。點知King都好盡，係咁問對方有冇睇佢本寫真，搞到位參加者尷尬面紅，事後King都話參賽者表現太緊張喎。
到女子組合Sparkling Girls，佢哋都有同旁白哥越洋互動，又客串casting訪問。其中成員Tasha之前做過有線娛樂新聞台，佢話對訪問人好有信心，於是真係走咗去訪問其中一個玩cosplay嘅男仔添。
蘋果主播召喚仲進行緊0架，有興趣嘅，就快啲嚟呢度啦：
香港動漫電玩節 E21攤位
日期：26-30/7/2013
時間：10am - 8pm
【動主播召喚 敢你就來】
立即報名： http://anchor.nextmedia.com