【西環】自言曾經患過情緒病嘅李若彤復出拍無綫新劇《Aerobic Girls舞室保衛戰》，前晚佢同吳啟華喺西環海旁開工，劇情好簡單講吳啟華開架波子跑車載李若彤，李若彤雖然差不多有10年冇拍劇，但都應付得好好，好快就搞掂一個鏡頭，一拍完佢就走番上車休息，反而吳啟華同工作人員有講有笑。到拍第二個鏡頭時因為要將架波子放上拖車拍攝，所以着住裙嘅李若彤爬上架波子時都好小心以免走光，前後30分鐘就拍晒，認真快靚正。
採訪、攝影：吳耀輝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！