（喜）周三南美自由盃決賽次回合，明尼路上演絕地反擊，喺主場以2:0擊敗奧林比亞會，兩回合計雙方踢成2:2，經過加時再冇比數之後，明尼路喺互射12碼贏4:3，首奪呢項南美球會最高榮譽冠軍。33歲老將朗拿甸奴（左圖）亦一償宿願封王，「細哨」亦成為歷來第7位球員可以喺職業生涯贏到歐聯同自由盃兩大錦標。明尼路奪得自由盃，同樣獲得埋年尾世冠盃參賽資格；咦！咁到時「細哨」咪有機會同冤家哥迪奧拿相遇？「細哨」喺08年離開巴塞，正係畀當年新上任教練嘅哥迪奧拿踢走，後者喺今季接手執教3冠王拜仁慕尼黑，將會領軍去摩洛哥參加世冠盃。
【動主播召喚 敢你就來】
立即報名： http://anchor.nextmedia.com