俾唔少宅男奉為女神嘅人民力量新話事人袁彌明Erica，竟然為咗狼振英而犧牲……嗱嗱嗱，宅男們唔使傷心落淚住，Erica犧牲嘅只係肚皮而唔係色相，事關佢喺噚晚8點鐘開始，加入民主倒梁絕食行動，喺遮打花園接力絕食48小時，誓死要狼振英下台。八方噚日晏晝見過Erica，覺得佢精神奕奕，有信心佢頂得住兩日唔食嘢，對女仔嚟講，咁樣仲係減肥妙法㖭。近排不斷以新主席身份接受傳媒訪問嘅Erica，噚日話最近實施嘅新商品說明條例，自己都受影響，向來有喺網上拍賣護膚美容產品嘅佢，都避免用「最好用」呢三粒字作招徠咯。
【動主播召喚 敢你就來】
立即報名： http://anchor.nextmedia.com