【灣仔】一班英超球星下榻灣仔君悅酒店，搞到酒店門口經常人山人海，可能大劉劉鑾雄冇乜留意，所以前晚9點左右帶住女朋友陳海韻（甘比），同埋餅印一樣嘅囡囡劉秀樺去咗食晚餐。餐飯食到10點幾，咁啱撞正班打完比賽嘅球星陸陸續續咁返嚟，君悅門口嘅交通好鬼繁忙，所以大劉出到嚟，佢部平治都唔可以停正門口，搞到佢要行成20米至上到車，所以見佢都有啲黑面。
採訪、攝影：彭琮然、吳耀輝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！