名店進駐銅鑼灣大街小巷，連屹立逾廿年嘅新英記茶餐廳都頂唔住貴租，本月28日正式結業。新英記都喺區內好有名，就連新民黨主席葉劉淑儀都係熟客仔，趁結業前都去幫襯。老闆娘鄧小姐同佢講，新英記原本有兩個舖位，後來因為租務問題，縮至一個舖位先捱到今時今日，最近業主大幅加租三成，叫價40萬，無奈要同食客告別。
葉太話喎，銅鑼灣希慎道雖然係名店區，但唔係全部旺場，佢幫襯咁多年，得新英記一直咁旺咋喎，附近舖位都唔係長做長有，點估到咁都捱唔住？葉劉對銅鑼灣又少咗間價廉物美、質量有保證嘅茶餐廳深表可惜，係時候要再搵好地方醫肚。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第三集足本放送中！速上：
http://hk.apple.nextmedia.com/livestream/channel/talk24