肥佬黎投資電影？
《低俗》令香港投資者發現，純港片依然有利可圖。
肥佬黎問：「𠵱家拍片搵人投資易唔易呢？」彭浩翔直言：「易過以前，《低俗喜劇》證明咗，原來你放棄內地市場，招呼一個單一市場，仍然可以有盈利嘅，所以今年容易咗好多。」
肥佬黎忽說：「嗱，電影我未投資過……」阿澤即插嘴：「有冇興趣？」
「今日原來係嚟傾呢單嘢？」彭導扮作恍然大悟。
肥佬黎真的想投資？他說：「我覺得投資唔係話冇興趣去投資，電影賺錢模式唔一定係一部部咁睇。一部部去睇，比賭錢更大鑊。一間公司我今年拍十五部，我有兩部爆到唔清唔楚嘅，有三部我賺咗少少，其他冚Ｘ鏟嘅，間公司其實賺大錢喎。」
資深電影人蔡瀾卻不以為然：「如果係咁嘅話，個個人都識得做，個個人都拎錢出嚟。你呢個唔一定work㗎。電影嘅好玩就係唔一定囉。」
肥佬黎堅持己見：「最少呢，電影輸嗰個可能性咁大，但贏嘅比率又係好大，我覺得你咁樣畀咗一個機會自己。」蔡瀾在旁一直搖頭，強烈反對。
彭導忍不住插話：「黎生，如果你呢個說話早啲同我講，我咪唔使咁慘囉。我06年嗰陣，就膽大妄為，覺得唔係喇，不如夾份做一次老闆。」
阿澤聞言忍不住說：「不過佢又醒目嘅，拉埋我落水。」肥佬黎笑謂：「咁就大家一齊死！」眾人大笑，不過阿澤是苦笑！
彭導續說：「嗰陣心諗識得咁多明星，我哋揸正旗做一部咁嘅戲實賺錢啦，嗰陣我拍嗰部叫《破事兒》。」阿澤：「粗口爛舌，黃賭毒鬼，乜都有。」
既然如此，應該好成功？原來又不是。彭導解構原因：「問題係我哋將所有資源押晒落一部戲度，我哋會俾人屈死。啲發行商見你哋得一部戲，一片片主嘛，咪壓你價。如果我有好多部戲，如果我有《無間道》，你夠唔夠膽咁壓我？咁後來我發現咗你講得啱，你真係唔能夠獨立一部做。」
原來《破事兒》真是一齣活生生的破事兒。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第三集足本放送中！速上：
http://hk.apple.nextmedia.com/livestream/channel/talk24