陸浩明主持嘅無綫娛樂新聞台節目《6號訪》，近日訪問莊思敏，問到當日點解敢公開認隆胸？莊思敏話︰「我係個有問必答嘅人，朋友問我一定會認，咁娛圈一傳十、十傳百，與其咁樣不如自己承認。」佢話以前做模特兒覺得平胸着衫有型，但年紀越大反而覺得有少少身材着晚裝先好睇，佢又話到𠵱家都好滿意，除非身體健康問題，否則唔會拆彈。感情方面，莊思敏強調𠵱家單身。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！