【本報訊】擴建將軍澳堆填區爭議不斷，昔日北區反對聲音較少，但昨日北區區議會上，卻是一面倒反對擴建，來自各黨派區議員一致要求獲公平對待，質疑當局只撤回將軍澳堆填區撥款申請的做法「大細超」，惟環保署重申「一個都不能少」，會適時重新向立法會遞交擴建申請。
十多名打鼓嶺居民昨到北區區議會遞信，要求政府撤回打鼓嶺堆填區計劃。民主黨區議員羅世恩提案反對擴建，表明「反對擴建堆填區真係底線，無論係家居廚餘、商業廚餘又好，以至工業源頭廢料都好，你有好多方法去做（源頭減廢），只係你會唔會立定決心去做」。
批評當局「大細超」
多名議員附和，促請當局先行推動源頭減廢，又批評當局只撤回將軍澳堆填區撥款申請，做法「大細超」。民建聯區議員鄧根年更怒罵「係咪要好似某啲人士咁，唔好喺我西貢做！嚟咗我哋北區、屯門做，咁就搞得掂？咁樣公唔公道？我哋二奶仔呀？我哋冇納稅呀？」
不過，環保署助理署長陳英儂重申，環境局5月發表《香港資源循環藍圖2013-2022》，以源頭減廢為重心，但仍有必要擴建三個堆填區，政府會在適當時候將擴建申請重新遞交立法會。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第三集足本放送中！速上：
http://hk.apple.nextmedia.com/livestream/channel/talk24