近期唔少市民經過位於沙田嘅港九潮州公會馬松深中學，都忍唔住駐足細看，事關學校外牆掛起大大條嘅紅色banner，唔係歌頌毛主席，就係宣傳愛國情懷。紅得咁交關，難怪令市民「側目」，有市民更向八方報料，不滿校方咁樣洗腦法。
八方噚日特登就此實地視察，發現原來係虛驚一場，事關當時就有間獨立電影公司喺度進行拍攝，原來佢哋徵得學校同意，借用校舍嚟拍攝一套獨立電影。套電影講啲乜？之咪就係有關毛澤東年代嘅嘢囉。聽電影製作人員講，佢哋會喺校舍拍攝兩星期左右，而學校放緊暑假，所以唔會對學生造成影響，大家可以放心嘞。
【動主播召喚 敢你就來】
立即報名： http://anchor.nextmedia.com