澳門第五屆立法會選舉將於9月15日舉行，已表態會角逐連任的賭王四太梁安琪，旗下嘅澳門旅遊娛樂同澳門博彩都有唔少職員兼選民。八方近日收到市民報料，話身任澳博員工福利諮詢委員會主席嘅四太，近日出動腐乳冧員工，唔知原因係乜呢？
話說澳博飯堂最近出現一個小盒，入面裝住腐乳、辣椒醬油等，盒上寫住「福諮會梁安琪贈」、「愛心小吃，開心品嚐」。有人就影低四太嘅「心意」放上網「些牙」，註腳話：「澳博的愛心腐于（乳）&辣椒，免費讓員工享用，笑死人。」有人話喎，四太似乎喺選舉前，特別關注員工福利囉。
查實比起民建聯大堆頭蛇齋餅糭加飲飲食食旅行團，四太嘅腐乳，確係別有一番風味同特色，唔知澳博員工受唔受落呢？
【動主播召喚 敢你就來】
立即報名： http://anchor.nextmedia.com