久未在港開騷的巫啟賢，今晚在灣仔會展舉行兩場演唱會，他更邀請在無綫節目《星夢傳奇》中一鳴驚人的鄭俊弘（Fred）擔任尾場表演嘉賓。巫啟賢和Fred昨日到會展綵排，Fred預備了一張在《星夢傳奇》與巫啟賢擁抱的合照送給對方，Fred說：「就係巫老師邀請我做嘉賓呢一刻，我嘅生命唔同咗。」
再任《星夢》評判
巫啟賢即讚賞Fred並說：「佢嘅起點好好，以前嘅嘢唔使計，我敢講佢雖然唔係專業歌手，但目前香港十個唱得好嘅男歌手，十名內佢一定有份。」巫啟賢表示已答應無綫下月10日再擔任《星夢傳奇》評判，之後會否再做，要看時間可否配合。
提到無綫剪去評判鬧人的評語，巫啟賢說：「我唔係鬧，係提出問題同建議，唔好當啲藝人咁脆弱。」巫啟賢的女兒歡歡於綵排時為父親彈琴伴奏及合唱，表現淡定。另外，新城電台台長朱明銳到場，頒發國語力殿堂歌手獎給巫啟賢。
採訪：李珮洳
攝影：陳俊強
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第三集足本放送中！速上：
http://hk.apple.nextmedia.com/livestream/channel/talk24