杜汶澤從影從視20年，代表作竟然是一段在網絡流傳，由他聲演的粗口影評，連肥佬黎都好欣賞！整件事的始末，原來「是咁的」……
阿澤說：「有個網民睇完《3D肉蒲團》，跟住有感而發，有日我就約咗陳慶嘉開會，同埋錢小蕙（Amy），三個去咗開會，度極都度唔到嘢，陳慶嘉話『喂唔好講咁多啦，我畀篇嘢你睇，你讀咗佢』，跟住Amy Chin就仲賤：『唔好講咁多啦，橫掂讀不如錄啦』，跟住我未睇過嘅，我就好似報天氣咁，揸住張紙，一面讀一面睇囉。如果我睇過我唔敢錄㗎，你得罪蕭若元點算呀？我越講越唔對路喎，唉！唔好理啦，讀晒佢啦，跟住錄低咗，哦你send畀我啦，佢話唔使啦，掟咗上YouTube喇已經。」（眾人大笑）
「真係淒涼」
彭浩翔聽完那篇影評也讚好：「我喺內地聽嗰篇嘢笑到我呢，我公司同事啲細路仔唔識廣東話，我話嗱，你學呢篇就講廣東話嘞。我話你聽吓啦。」阿澤笑道：「最好笑係《低俗喜劇》投資者，佢話聽完後，覺得呢個係杜汶澤二十年影視界最好嘅演出嚟。我話真係淒涼，拍咗成百部戲，居然大家淨係記得呢段。」
假如有一日，你心情不好，除了找回阿澤那段低俗的粗口影評來看，也可以重看這一集《亂噏24》，笑多次！
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第三集足本放送中！速上：
http://hk.apple.nextmedia.com/livestream/channel/talk24