始於1957年、被譽為全球最盛大嘅聖誕老人盛事「世界聖誕老人大會」，噚日喺丹麥哥本哈根圓滿結束，今年首次有華人參加，就係嚟自香港嘅陳漢強（Santa Jim）同胡鴻勝（Santa Johnny），佢哋除咗同超過100個國家共130個聖誕老人交流，仲參加盛大嘅聖誕老人巡遊，學到唔少嘢。喺一連三日嘅活動，Jim率先喺沙灘活動中得到射手獎，Johnny更威水，喺第三日嘅障礙賽成為全場冠軍，得到獎狀同獎盃，上埋國際新聞，為港爭光。
兩位港產聖誕老人過往不時喺香港出席唔同活動兼攞國際大獎。佢哋下個月會喺香港成立「聖誕老人學院」，希望培育更多聖誕老人。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第三集足本放送中！速上：
http://hk.apple.nextmedia.com/livestream/channel/talk24