就算有車牌，香港地養車活像每個月在燒銀紙，幸好還有租車一途，隨時可小玩幾日享受駕駛樂。不過唔係事必租七人車咁悶的，豐田租車部就連人氣86都有提供，約女神去街、同Friend去蒲，揸住呢架鮮紅辣跑就最正！
記者：姚子浩 攝影：楊錦文
模特兒：Michelle Chan @ Starz People
人氣跑車 收視率高
雖然自己花不起錢買靚車，但租車做一日車主卻沒甚難度。與其租部普通車款純粹過過駕車癮，不如搵部鮮有機會接觸的辣車玩到盡。在網上做了一輪資料搜集，發現Toyota Rent-A-Car有廣受歡迎的86出租，於是便立刻預約這部辣款小跑車。靚相見得多，親身試86還是首次。雖然新版86跟大家熟悉的AE86外形完全不同，但《頭文字D》情意結還是叫人想跳上此車扮藤原拓海。只有兩公升的引擎以跑車而言不算厲害，力水也要到4,000轉以上才能釋出，不過極低車身加上跑車桶椅、強勁引擎聲及充滿殺氣的造型，還是令我有置身一流跑車的駕駛感覺。最開心是駕着86周圍走，沿途搶了不少路人的目光，在停車場更有人主動上前搭訕影相，這種虛榮感真令我想租多幾日玩。
豐田86
租價：$250（時租）／$1,380（日租）
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange