【本報訊】樓市步入寒冬，由於現時成交量低，難養活全港數以萬計代理，相信不用等人炒，經紀長期無飯開都會自己唔撈。
繼中原地產向過千名員工發警告信之後，美聯集團旗下美聯物業、香港置業及美聯工商舖約3,800名員工，其中多達1,300人因生意「肥佬」，獲發「鼓勵信」。
生意「肥佬」 另類支持
「鼓勵信」由人力資源部經理何家寶發出。信中內容主要是提醒上半年業績未如理想（平均每月生意額少於4.5萬元）的員工，要在逆市下自強不息，提升謀生力；成績雖未如理想，但絕不可氣餒。
對於有過千人上半年生意未達標，美聯集團董事總經理黃子華直言這個數字是「算多」，美聯物業更是重災局，近三千人中，有近千人「肥佬」；香港置業及美聯工商舖則佔約200人及70人。但他強調，「鼓勵信」不代表是警告信，並不是告訴他們生意差，公司要炒他們，只是用另一種方法激勵他們，賦予正能量。
黃子華承認，政府辣招打壓下，行業面臨收縮，他都有可能「畀人炒」。這兩個月的平均每月整體買賣僅約5,000至6,000宗，但全港近4萬名代理，多達八成人冇飯開，代理或要轉行做「扎鐵」。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第三集足本放送中！速上：
http://hk.apple.nextmedia.com/livestream/channel/talk24