《飛虎出征》𠱁細路？
不講不知，原來《飛虎出征》本來是一級的兒童片，你信不信？
彭浩翔說：「舊年拍完《低俗喜劇》，好多電影公司叫我再開部《低俗喜劇》咁嘅戲，我話冇時間，但我又諗，不如唔好嘥咗佢，每年咁多小朋友放暑假，不如拍部戲開開心心咁大家睇吓啦！」
彭導，你呃人！明明在本報專欄，說明《飛虎出征》的故事，源自08年在某雜誌的爛尾連載小說，那時候的飛虎隊故事一開始已變調為嫖妓故事。
彭導接着說：「點知拍拍吓就變咗型，最後細路仔睇唔到囉。」
近年合拍片當道，阿澤怎看這件事？「香港人好慘。其實香港人好醒目，見到海報就知，呢啲戲係拍畀大陸人睇嘅，好冇癮。儲咗幾年冤屈氣，搞到啲電影人好想拍番本土戲，觀眾都一樣之嘛。大佬，搵錢又要靠大陸，政治又要靠大陸，連睇戲都要睇大陸？」肥佬黎問：「咁冇辦法喎，個市場咁大。」
彭浩翔回應：「所以一係你就拍窮啲，一係就拍快啲。」阿澤即抵死搭嘴：「其實我哋兩個都好唯利是圖嘅，吼嗰啲導演走晒返大陸，個個走去搶錢嗰陣，嘩，空nel nel嘅，不如拍戲囉！」彭導更以精采比喻表達：「即係個個打劫金舖嘅時候，你忽然間發現有間當舖，冇人睇。係，我知當舖係少錢，但係你真係冇警衞吖嘛！」
相比起億億聲的內地市場，香港市場這麼細，有錢賺嗎？阿澤說：「起碼到今日為止，戰績好好，冇人蝕過錢。但掉番轉呢，嗰班友仔上去搶錢，個個都死。」
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第三集足本放送中！速上：
http://hk.apple.nextmedia.com/livestream/channel/talk24