有線全新寵物節目《繼續寵愛》，主持廖碧兒同譚凱琪及鄺家銘合作，日前佢哋去主題公園近距離親近企鵝同海象，又同郭秀雲（Sharon）分享養豹貓嘅趣事。Sharon話受父母影響，自細就好鍾意大自然同動物，仲自爆曾俾豹貓抓傷，傷口深到見骨要縫針：「有次喺街，巴士埋站發出聲響，佢一時受驚就抓傷我，𠵱家手上仲有道疤。」Sharon仲養過馬騮同鷹，果然好愛動物！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！