學民思潮可能好快要搬家了，唔使擔心，佢哋唔係俾愛港力逼走，而係要退位讓「貧」。學民𠵱家辦公室喺軒尼詩道富德樓，業主係一個良心業主，將部份單位好平租畀多個團體，包括《黑紙》。
聽學民成員黎汶洛講，業主話學民喺不同遊行場合都得到好多市民捐款支持，都籌到部份經費，所以業主就建議學民另租地方，將呢個平租機會讓畀其他冇經費、更有需要嘅組織。
佢話業主都有道理，所以學民都打算搬走，但由於外面租金唔平，都要籌備吓先。富德樓嘅業主確係唔話得，將單位廉租畀多個藝術團體，月租只係2,000至3,000元，租客每年續租都要交報告講解運作、發展計劃。
【動主播召喚 敢你就來】
立即報名： http://anchor.nextmedia.com