中門大開:集體無恥墮落 - 添馬男

中門大開:集體無恥墮落 - 添馬男

真係想打爆電視!陳茂波又再玩語言偽術講大話,無恥地玩弄市民,太太及家人,原來不是太太的家人,而係自己個乖仔。醜聞唔係陳茂波個人私事,或佢與梁振英之間嘅事,係成個特區政府嘅事!
首先陳不是普通局長,佢係梁振英寵信之超級局長,掌握香港最重要土地資產,而梁甚至一度舉薦他出任副財政司,準備接管香港公共財政,並為梁落實動用龐大財政儲備作「長遠策略投資」的港版淡馬錫計劃。他的法定權力與政治地位,在特區政府內決策影響力舉足輕重,甚至大過政務司。而此人三番四次鬧出醜聞,均獲梁包庇,從未責成他將劏房及囤地兩大醜聞有關海外公司及股權轉讓文件資料公開,還政府全體一個清白。

官場建制清流 要負責任

梁振英有責任清楚交代陳所謂申報利益具體細節及內容,公事不能私了!
梁政府一年來民望低殘,影響各項施政及管治水平,根源在於梁個人誠信受質疑,加上用人不當,吳克儉、黃錦星是唔夠班,而陳茂波則是鑽空子賺盡小利之政客,加上梁粉何喜華、陳啟宗之流在外煽風點火,挑動內鬥,如此局面已集體拖累全個政府。建制內有志服務市民,或受中央所託人士,難道可以坐視不理,任由香港政局腐爛下去,正道淪亡嗎?
曾鈺成推動非正式政改交流討論,明顯是睇到現屆政府政治上陷入跛腳鴨境地,但大小民生事務實權仍牢牢握在梁粉之中。簡單如梁何時再推打擊樓市措施,實際政治操作中,梁會同頭馬陳茂波商討先,才與財政司商量,又或者聽取財政司意見後再徵詢陳茂波睇法。一個千方百計,利用專業會計知識去隱藏個人利益,以老婆做利益keeper嘅人,第一時間會做乜?會否利用消息由老婆或外家去獲利?公眾難免有此諗法。
又東北發展進入細節規劃,陳又會否利用消息叫許家搵着數呢?公眾當然有懷疑,按陳茂波之邏輯,老婆所有商業投資行為均與他無關,收益也與自己無關,對此相信公眾好難接受。
政府內行會與司局長,不少服務香港多年,為乜?只不過為建設一個好香港畀下一代,假如大家仍為陳茂波醜聞啞忍,以事不關己態度做花生友,任由梁陳二人扯貓尾、打龍通,胡混過關,呢班所謂官場及建制清流,實在要為香港淪落付上最大責任。

添馬男

倪匡、蔡瀾同肥佬黎約埋一齊《亂噏24》,你睇咗未?
唔睇冇話題,第二集足本放送中!速上:
http://hk.apple.nextmedia.com/livestream/channel/talk24