發展局局長陳茂波繼被踢爆劏房和酒駕後，近日更被揭發家族涉囤地自肥醜聞，成為全城熱話。由泰迪羅賓執導的新戲《奇幻夜》單元食正話題，由資深演員尹揚明gel起灰白頭髮扮「劏房波」，寸爆誠信破產的陳茂波。
由泰迪羅賓自導自演的單元故事中，加插了由尹揚明扮演的「波叔」一角，梳了「波叔頭」戴金絲眼鏡着老西的尹揚明，拍攝一場巡視劏房業務時說：「我劏房波有成二百幾間劏房，講得出做得到，你放心喎！一千呎單位，連埋騎樓，劏足八間房畀你！梗係啦，賺到盡吖嘛！」劏房門口還貼了不少經營淫業的艷女相，玩謝陳茂波的劏房醜聞。
「特區政府醜事太多」
電影改編自李碧華小說《喜材》內的短篇故事，原著沒有劏房波一角，直至去年11月劇本初稿完成時，剛巧發生陳茂波的劏房、酒駕風波，故特別加插角色揶揄，李碧華坦言：「一半原因係惡搞，另一半原因係劇情需要，只怪陳茂波局長嘅劏房形像太深入民心。」監製鄧漢強則稱純屬巧合，笑說：「唔知係冥冥中有天意？定係特區政府醜事太多，只要開口就中。」他認為香港有創作自由，不擔心劇組會被秋後算賬。
《奇幻夜》將於下月初上映，其實同系列作品《迷離夜》已藉盧海鵬和邵音音爆粗喪鬧「梁震嬰」，玩謝特首梁振英，而仍在上映的《迷》，截止前日已收705萬，成績理想。
撰文：林妃
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24