政府每年限住特定時期進行選民登記，但自由黨本月中向2,400人進行嘅調查顯示，逾七成人贊成將登記期限放寬至全年無休，近六成人更話應該可以喺立法會選舉投票當日進行登記㖭。上屆區選後爆出種票醜聞後，政府要求新登記或更改住址嘅選民要提供住址證明，近六成人唔覺得有關措施影響選民投票意欲。負責調查嘅自由黨青年團主席李梓敬話，市民通常臨近選舉期先有較高投票意欲，但就錯過咗選民登記，希望當局容許全年無休。有人擔心若容許選舉日臨場登記，會唔會有利資源較多嘅政黨配票？李梓敬話可以要求登記人提供近期啲嘅住址證明，深信選民眼睛雪亮。
【動主播召喚 敢你就來】
立即報名： http://anchor.nextmedia.com