「茂菠，號菠兒，廣東潮州人也……未彌月，房市崩盤，債主至……」呢篇咁過癮嘅潮文〈茂菠之斂財時代〉．《香港淪陷史話》，噚日喺網上熱傳。都係多得囤地波啦，再次激發起網民創意，網友Lunyeah將好多人細細個讀中文課嘅範文《岳飛之少年時代》，大玩集體回憶crossover市民對囤地波嘅憤慨，引發唔少共鳴。
詳載謬波卸責「偉績」
Lunyeah文筆唔錯，文中曰：「菠自小愛鑽營，錙銖必較。天資敏悟，生財有道，尤好《避稅會計》及《僭建方法》……酒量驚人，御前，必對酒三百杯。學卸責於震英。」唔明白文言文？等八方做少少繙譯啦，即係話謬波斤斤計較，對避稅、僭建有一手，又鍾意嗒番兩杯，跟振英哥學嘢，點知好學唔學：「英卸三責，皆中妻，以示菠；菠試卸一責，中其子；再卸，又中。英大驚，以絕技『語言偽術』教之」。最搞笑係「九四年，購地，菠雀躍不已。每值假日，必攜妻子，遊東北地，意甚得」，一次過詳載謬波卸責畀老婆、囤地自肥等「偉績」。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24