英國皇室有囍事，劍橋公爵夫人凱蒂順利誕下小王子嘅消息，被全球傳媒鋪天蓋地報道。
網上甚至見到有英國網站，教人點喺網上過濾有關資訊，相信係因為當地近來太多新聞，多到眼冤。
不過，就算上網用晒軟件，幫新聞隔渣，出到街想避開見到「Baby」呢隻字，真係難過登天。
事關當地已經當咗今個月係「凱蒂生B」節，各大零售商即時食住條水，推出各類唔同產品、推廣吸金。
根據Centre for Retail Research的數據顯示，估計7月及8月份，「凱蒂生B」事件將大大刺激英國零售金額達2.43億英磅，約29億港紙，比和黃（013）上年全年收入仲要多。
至於凱蒂生B後，用過、着過嘅產品，都一定成為搶手貨。
噚日凱蒂喺生咗個B之後，首次現身見民眾時，着咗一件藍色嘅polka dot dress，擺明向戴安娜皇妃致敬而備受注目。
條裙嘅設計師Jenny Packham當然會成為搶手貨，至於條裙嘅正貨或A貨，相信好快會於eBay上出現，又為唔少人打開一條財路。
Fifi
本欄逢周二、四刊出
【動主播召喚 敢你就來】
立即報名： http://anchor.nextmedia.com