九倉（004）今年5、6月期間帶隻黃色巨鴨來港，擺喺尖沙嘴海港城對出海面，吸引大批市民圍觀，刺激九倉股價曾創歷史高位77.146元。
男性粉絲居多
九倉另一個主場──時代廣場由明天至9月1號就有高達展，肯定吸引大班高達迷朝聖，唔知呢次能否再帶挈九倉股價呢？
雖然高達好似冇巨鴨咁老少咸宜，但係早排元祖高達同渣古運嚟香港嗰陣，由拆件喺中環巡遊到近日齊齊企喺時代廣場，已經幾次喺facebook洗版，足證高達幾咁受歡迎，加上高達肯定有大批七十後粉絲，細路仔亦會貪得意走去睇下，要逼爆個場應該冇難度。
華華有芬佬朋友都係高達迷，佢話一定會去朝聖，但由於預期多數係男人去睇高達展，佢哋嘅消費意慾冇女人咁勁，未必幫到時代廣場嘅商戶銷售，同女友或老婆去就話啫。
【動主播召喚 敢你就來】
立即報名： http://anchor.nextmedia.com