喺商業世界裏面，為咗打低競爭對手，有啲公司真係無所不用其極。好似中聯重科（1157）同三一重工之間的恩怨，真係好睇過連續劇。一時傳中聯重科搵人綁架三一重工董事長個仔，一時又話安排間諜潛入三一重工。
其實中聯重科亦多次被匿名人士舉報指其有財務「造假」的行為，公司曾經多番作出過澄清，指匿名人士的舉報只係抹黑及攻擊公司的行動。
誰是誰非無人知，惟中聯重科股價已經由年頭近12元高位，跌到得5.71元。
大行睇淡 前景多隱憂
摩通就話，中聯重科估值已跌到合理水平，故升評級至中性，目標6.1元。不過，始終經過咁多醜聞，投資者對中聯重科已經失去信心。
該公司首季少賺72%，而摩通推算第二季盈利跌幅應收窄至不超過38%。不過，都唔代表公司前景已經轉好，應收賬同存貨仍然係隱憂。
摩通仲話未來6至12個月，都睇唔到產品需求會明顯反彈。
除此之外，大和都削目標三成至5.79元，指第二季是行業傳統旺季，故預料第三季盈利跌幅又會擴大，下半年前景都唔多好，故降低盈利預測兩成，料全年少賺30%至51億人仔。
睇嚟大行睇淡，加醜聞纏身，都係避之則吉。
瑪姬兒
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24