民主黨喺立法會新西選舉全軍盡墨，要趁呢幾年重整旗鼓，所以每個樁腳都好重要。好似噚日身為葵青區議員嘅白鴿仔林立志（Eric）喺青衣長亨邨開議員辦事處，黨領導層空群而出撐場，佢師傅李永達自爆那些年資源有限，所以請Eric做助理時人工好鬼奀，搞到Eric家用又唔夠畀，又儲唔到錢買樓，所以𠵱家仲未娶老婆喎。冇做議員之後四圍旅行嘅張文光都有現身，送上「立志在堅，成功在久」墨寶贈興，但原來Eric最想攞到華叔嘅墨寶放喺議辦，但再上一次區選唔爭氣，到𠵱家當選，華叔已經睇唔到。Eric新議辦原來係巴士總站茶水房改建而成，地點就腳，但300幾呎地方，月租竟然要成5,000蚊，好揦脷。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24