【本報訊】早前被商界「頭號梁粉」陳啟宗，批評為「大罪人」的財政司司長曾俊華，昨獲新地聯席主席郭炳江「呵護」，主動表揚「做得穩健」。東亞銀行副行政總裁李民橋亦贊同，財爺理財哲學「非常穩健」，利好「鞏固市場對本港營商環境的信心」。
有市場人士表示，若果以公務員角度評論，曾俊華的表現屬於中規中矩，交銀香港首席經濟及策略師羅家聰則表示，「好難鬧佢差，（以公務員嚟講）仲會畀好高分」，但作為問責官員，對方屬「蕭規曹隨」型的財爺，面對本港經濟長遠結構性發展問題，例如人口老化、醫療需要、經濟增長動力能否持續等，「好難寄望叫佢攞出長遠方案」。
去年特首選舉中，郭炳江力撐候選人唐英年，東亞主席李國寶則為唐營競選辦主任。恒隆主席陳啟宗早前狠批曾俊華「唔想使錢」，是「大罪人」；又指他在前年財政預算案派錢，是最不明智的錯誤做法。
銀行界︰難寄望推革命性政策
郭炳江昨日在未有傳媒提問下，主動反駁陳啟宗批評財爺一事，「我覺得佢（曾俊華）審慎處理財政，當然個個人要求唔同，但喺商界嚟講，我識我啲朋友嚟講，佢算做得好穩健㗎喇」。
李民橋接受查詢時亦指，財爺理財哲學整體「非常穩健」，這對本港作為國際金融中心是好事，因為能確保市場信心，而信心對營商環境非常重要。
對於財爺的評分，羅家聰認為對方表現一直「平平穩穩」，「唔可以講話保守唔派錢」，任內曾經推出如通脹掛鈎債券（iBond）等，含補貼成份的舒緩通脹措施。
歷屆財爺中，有比曾俊華更保守或更慷慨的先例，但他指若要就本港長遠經濟結構問題，提出突破性方案，如當年梁錦松（01至03年）大刀闊斧提出精簡公務員編制，或06年初本港幾乎成功引入銷售稅等革命性政策，則難寄望由這位財爺推動。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange